Vakatutu

Me Tauyavu Kina na Vuli iVolatabu ena iMatai ni Vakarauwai ena June

Wilika na Aisea 42:8. Qai kaya: “E tukuna na tikinivolatabu qo ni tiko na yaca ni Kalou. Cava oni nanuma, e bibi meda vakayagataka na yaca ni Kalou? [Waraka me sauma.] Raica mada na ka e tukuna na ivola qo.” Solia vei taukeinivale Na Vale ni Vakatawa 1 June, drau veivosakitaka na imatai ni taro ena tabana e 16. Tuvanaka na siga mo drau veivosakitaka kina na taro tarava.

Na Vale ni Vakatawa 1 June

“Au via taroga na nomuni nanuma ena dua na usutu bibi qo. [Cega na tabana e 3, qai dusia na va na yatuvosa e tiko kina na digo kata.] Evei, vei ratou na ivakamacala qo o dau nanuma tu me baleta na iVolatabu? [Waraka me sauma.] Raica mada na ka e tukuna sara ga na iVolatabu me baleta na tikina qo. [Wilika Roma 15:4.] Na mekesini qo ena vakamacalataka e lima na vuna e ivola vakasakiti kina na iVolatabu, qai vakaraitaka tale ga na sala e rawa ni yaga kina vei keda.”

Yadra! Epereli-June

“Oni nanuma ni sala ni rawaka na lawaki? [Waraka me sauma.] Daru raica mada na ka e tukuna na iVolatabu me baleta na kena sagai me levu na iyau eda taukena. [Cega na tabana e 17 ni mekesini qai wilika na Luke 12:15 e lavetaki toka ena tabana ya.] E vakaraitaka na mekesini qo nida na rawaka ga ke da dau dina.”