Vakatutu

Me Tauyavu Kina na Vuli iVolatabu ena iMatai ni Vakarauwai ena Janueri

“Na cava mada oni nanuma? O cei na yaca ni Kalou? [Waraka me sauma.] Raica mada na ka e vakamacalataki ena mekesini qo.” Vakaraitaka vei taukeinivale Na Vale ni Vakatawa 1 Janueri, raica na ulutaga ena iwaqana e muri, drau veivosakitaka na imatai ni taro qai wilika e dua na tikinivolatabu. Solia na mekesini qai lokuca na siga mo drau lai veivosakitaka kina na taro tarava.

Na Vale ni Vakatawa 1 Janueri

“E levu era veitalanoataka tiko na icavacava kei vuravura. Na cava mada oni nanuma, e dodonu meda rerevaka na icavacava kei vuravura? [Waraka me sauma.] E tukuni ena iVolatabu nira na bula eso ena gauna qori. [Wilika 1 Joni 2:17.] E vakamacalataki ena mekesini qo na isau vakaivolatabu ni va na taro e tarogi vakalevu me baleta na icavacava kei vuravura.”

Yadra! Janueri

“Keimami veivosakitaka tiko mai nikua e dua na ulutaga ena yaga ena vuvale. Oni nanuma ni bibi mera muria na vuvale na vosa qo i Jisu? [Wilika Cakacaka 20:35b qai waraka me sauma na taro.] Ena rairai dredre dina mera vakavulici na gone mera dau veinanumi, ni levu ena vuravura qo era dau nanumi ira ga. E vakamacalataki ena ulutaga qo eso na vakatutu ena yaga ena nodra susugi luvedra na itubutubu mera dau veinanumi.”