Vakatutu

Me Tauyavu Kina na Vuli iVolatabu ena iMatai ni Vakarauwai ena Noveba

“Eda vinakata kece me liutaki keda e dua na matanitu vinaka. Cava mada nomuni nanuma, na matanitu cava ena rawa ni walia na leqa ni kawatamata? [Waraka me sauma.] Raica mada na ka e tukuna na mekesini qo.” Vakaraitaka vei taukeinivale Na Vale ni Vakatawa 1 Noveba, drau veivosakitaka na imatai ni taro ena tabana e 16 qai wilika e dua na tikinivolatabu. Solia na mekesini qai tuvanaka na siga mo drau veivosakitaka kina na taro tarava.

Na Vale ni Vakatawa 1 Noveba

“Kaya mada ke tukuni mo taroga e dua na taro vua na Kalou, na cava o na taroga? [Waraka me sauma.] Me vaka e tukuna o Jisu, e sega ni cala ke da via kila dina eso na isau ni taro eda taroga. [Wilika Maciu 7:⁠7.] Eda na kila ena mekesini qo na isau vakaivolatabu ni tolu na taro bibi qo.” Vakaraitaka vei itaukeinivale na taro ena tabana e 3.

Yadra! Okotova-Tiseba

“E levu era kaya ni na cava na bula e vuravura ena dua na siga, de dua ena ivalu vakaniukilia se leqa tubukoso, me vaka na coqa ni vuravura lalai e maliwalala, se na kena sa veiveisau vakalevu na draki. O nanuma ni yavutaki vinaka na vakasama qori me baleta na veivakarusai, se tadra wale ga? [Waraka me sauma.] E veivakacegui na yalayala e tukuni ena iVolatabu. [Wilika Same 37:29.] Na mekesini qo ena vakamacalataka na rai sa takalevu tu me baleta na veivakarusai kei na ka dina e tukuna na iVolatabu ni na yaco ena veisiga ni mataka.”