Noda Web Site Vakadonui—Ena Yaga Vei Keda kei Ira na so Tale
A vakaroti keda o Jisu meda vunautaka na itukutuku vinaka ni Matanitu ni Kalou “ena veiyasa i vuravura me ivakadinadina ina veimatanitu kece.” (Maciu 24:14) Me rawa ni vukei keda meda ‘vakacavara vinaka na noda itavi vakaitalatala,’ sa cokoti vata kina na watchtower.org, jw-media.org, kei na jw.org ina Web site vou na jw.org.—2 Tim. 4:5.
“Ena Veiyasa i Vuravura”: E rauta ni duanaikatolu ni lewe i vuravura era vakayagataka na Internet. Levu e sa nodra ivurevure sara ga ni itukutuku na Internet, vakabibi o ira na itabagone. O ira na dau vakayagataka na Internet era na rawa ni raica ena Web site na isaunitaro dodonu vakaivolatabu. Era na kila kina na isoqosoqo i Jiova qai vakarawarawataka na nodra kerea mera vuli iVolatabu. E rawa ni vakatetei kina na itukutuku vinaka ni Matanitu ni Kalou ena veivanua e dredre me rogoci kina.
“Veimatanitu Kece”: Me rawa nida vunau ina “veimatanitu kece,” e dodonu me vakarautaki na ka dina vakaivolatabu ena duidui vosa. Ena rawarawa gona vei ira na vakayagataka na jw.org mera raica na itukutuku ena rauta na 400 na vosa, e sega tale ni dua na Web site e va qori.
Vakayagataka Vinaka Sara: Na Web site vou na jw.org e sega ni kena inaki ga meda vunau rawa kina vei ira na sega ni vakabauta. E vakarautaki tale ga na Web site qori me baleti keda na iVakadinadina i Jiova. Ke o rawa ni vakayagataka na Internet, saga mo kila sara na Web site na jw.org. Qo eso na vakatutu ni kena vakayagataki.
[Diagram ena tabana 3]
(For fully formatted text, see publication)
Tovolea Mada
1 Taipataka ena vanua vakarautaki na www.jw.org
2 Vakadikeva na Web site ena nomu tabaka na veiulutaga e cake, vanua o rawa ni digidigi kina, kei na isema.
3 Tovolea mada mo raica na jw.org ena Internet ena nomu mobail se kompiuta e rawa ni veikauyaki. E vakarautaki na Web site qo me rawa ni laurai tale ga ena iyaya vovou lalai, ia e tautauvata na kena itukutuku.