Vakatutu

Me Tauyavu Kina na Vuli iVolatabu ena iMatai ni Vakarauwai ena Okosita

“E levu na tamata era dau masu. O ira mada ga na sega ni vakabauta na Kalou era dau masu ena gauna era sotava kina na leqa. O vakabauta ni rogoca na Kalou na masu kece?” Waraka me sauma. Vakaraitaka na iotioti ni tabana ena Vale ni Vakatawa 1 Okosita, veivosakitaka na imatai ni taro qai wilika e dua na tikinivolatabu e sega ni lavetaki. Solia na mekesini, tuvanaka sara mo lesuvi koya mo drau veivosakitaka na taro tarava.

Me nanumi: Me vakatasuasuataki tale ga qori ena soqoni ni cakacaka vakavunau ena ika3 ni Okosita.

Na Vale ni Vakatawa 1 Okosita

“Keimami veisiko tiko mai baleta nira kurabuitaka e levu na takalevu ni iyaloyalo vakasisila. Ia e levu era kaya ni sega ni veivakaleqai na iyaloyalo vakasisila. Na cava oni nanuma? [Waraka me sauma.] E tukuna o Jisu ni na kilai ke vinaka e dua na ka mai na ka e vuataka. [Wilika Maciu 7:17.] Ena vakamacalataki ena mekesini qo na vua ni iyaloyalo vakasisila. E vakamacalataki tale ga kina eso na vakatutu me rawa ni vorata kina e dua na sara iyaloyalo vakasisila.”

Yadra! Okosita

“E levu vei keda eda via bula balavu. Cava nomu nanuma ena vukei keda na veika vakasaenisi meda bula tawamudu ena dua na gauna? [Waraka me sauma.] Dikeva mada na iyalayala vakasakiti qo. [Wilika 1 Korinica 15:26.] Ia ena cakava vakacava qori na Kalou? Ena vakayagataka na ka vakasaenisi se so tale na sala me rawati kina qori? Na cava eda qase da qai mate kina? E vakamacalataka na mekesini qo na kedra isau vakaivolatabu.”