Vakatutu

Me Tauyavu Kina na Vuli iVolatabu ena iMatai ni Vakarauwai ena Okosita

“E duidui na matalotu eda lewena, kei na ivakarau ni noda qarava na Kalou. Na cava o nanuma e nona rai na Kalou? [Waraka me sauma.] Raica mada na ka e tukuna o Jisu.” Solia vei taukeinivale e dua na ilavelave ni Vale ni Vakatawa 1 Okosita, drau wilika qai veivosakitaka na imatai ni taro ena tabana e 16 kei na dua na tikinivolatabu e sega ni lavetaki. Solia na mekesini qai tuvanaka na siga mo drau veivosakitaka kina na taro tarava.

Na Vale ni Vakatawa 1 Okosita

“Oni nanuma ni vinaka mera vulica na gone na veika me baleta na Kalou nira se lalai, se waraki sara mera uabula ra qai digia na lotu mera lewena? [Waraka me sauma.] Raica mada na ka e vakarota na iVolatabu mera vakayacora na tama. [Wilika Efeso 6:4.] Na mekesini qo e vakamacalataka eso na sala mera vakavulici luvedra kina na itubutubu ena veika me baleta na Kalou.”

Yadra! Julai-Seviteba

“Dua na leqa levu e veiyasa i vuravura na vakacaca ni batikadi. Na cava oni nanuma ni vakavuna tiko na leqa qori? [Waraka me sauma.] E veivakacegui na ka e tukuna na iVolatabu. [Wilika Same 72:7, 14.] E vakamacalataki ena mekesini qo eso na vuna era vakacaca tiko kina na batikadi, kei na ka e kaya na iVolatabu me baleta na sala kei na gauna ena oti kina.”