O Rawa ni Sureta e Dua Tale?

E levu na ivavakoso era tu kina na dautukutuku e vakaiyalayala ga na nodra vakaitavi ena cakacaka vakaitalatala ena vuku ni mate bibi e tauvi ira se bula vaqase. (2 Kor. 4:16) Vakacava o rawa ni sureta e dua e va qori me tomani iko ena vuli iVolatabu? Ke sega ni rawa ni biuta na dautukutuku na nona vale ena vuku ni kena ituvaki, de dua o rawa ni lai caka vuli iVolatabu ena nona vale. Vakacava o rawa ni tuvanaka eso na gauna me tomani iko e dua na dautukutuku e malumalumu na kena ituvaki mo drau lai vunau ena so na vale se drau caka veisikovi lesu? E levu na dautukutuku tabaqase era kila e levu na ka e vauca na cakacaka vakaitalatala. Koya gona, na ka o cakava ena sega wale ga ni vakayaloqaqataki ira, ena yaga tale ga vei iko. (Roma 1:12) Na nomu saga mo vakaraitaka na loloma va qori, ena vakalougatataka tale ga o Jiova.—Vkai. 19:17; 1 Joni 3:17, 18.