Meda Maqosa Tiko ga ena Cakacaka Vakaitalatala—Kotora na Yavu ni Veisikovi Lesu

Vuna e Bibi Kina: Nida kunea e dua e tataleitaki, eda na vinakata meda lesuvi koya ni tiko i vale me vakasuasuataki na sore ni ka dina eda tea. (1 Kor. 3:6) Koya gona ni bera nida biubiu, meda kotora e dua na yavu ni veisikovi lesu meda kila kina na gauna eda rawa ni sikovi koya tale. E vinaka meda taroga e dua na taro me rawa ni veivosakitaki ena veisiko e tarava, qo ena uqeti itaukeinivale me nanamaki ena veisiko. Ke sa tiko tale ga na isaunitaro ena mekesini eda solia, ena rairai vakawilika. Nida kotora na yavu ni veivosaki tarava, ena vakarawarawataka noda lesuvi koya baleta ni sa digitaki rawa na ulutaga me veivosakitaki, ena kila tale ga o itaukeinivale na ka me namaka. Nida lesuvi koya, meda tukuna vua nida mai sauma na taro eda taroga ena veisiko sa oti qai tomana noda ivakamacala.