Vakayagataka na jw.org ena Nomu Cakacaka Vakaitalatala

Noda Web site e dua na iyaya yaga meda vakatetea kina na itukutuku vinaka ena “veivanua yawa sara kei vuravura.” (Caka. 1:8) Levu na itaukeinivale era sega ni kila na jw.org. Ia era na kila ga ke vakaraitaki vei ira.

E dua na ivakatawa dauveilakoyaki e download se kopitaka ena nona talevoni na vidio Vuna mo Vulica Kina na iVolatabu qai vakaraitaka ena gauna veiganiti. Kena ivakaraitaki, ni vunau e veivale, ena kaya: “Au veisiko tiko mai vakalekaleka vei ira era via kila na isau ni tolu na taro bibi qo: Na cava e rui levu kina na leqa e vuravura? Ena walia vakacava na Kalou? Eda na vosota vakacava ena gauna qo? Na vidio lekaleka qo e vakamacalataka na taro qori.” E vakaraitaka sara na iyaloyalo qai vakaraica toka na ivukivuki nei itaukeinivale. Ni veivakauqeti na vidio era taleitaka kina e levu mera sarava me oti sara. E tomana na ivakatawa: “E tukuni tiko e keri ni rawa ni o kerea ena Web site mo vulica na iVolatabu. Au rawa ni vakaraitaka sara ga qo na kena iwalewale.” Ke vakadonuya o itaukeinivale, ena vakaraitaka na iwalewale ni vuli ena nona vakayagataka na brochure iTukutuku Vinaka Mai Vua na Kalou. Ke osooso, ena tuvanaka na gauna me na lesuvi koya tale. Ni vakacegu vakalailai ena dua na valenikana se vale ni kofi, ena tukuna na ka vata ga oya vua e dabe tiko e yasana ni vakabula oti. Vakacava o vakayagataka tiko na jw.org ena nomu cakacaka vakaitalatala?