IYAU MAI NA VOSA NI KALOU | AISEA 11-16
Ena Robota na Vuravura na Kilaka me Baleti Jiova
E vakayacori vakacava vei ira na Isireli na parofisai qo?
Nira lesu tiko na Isireli mai na nodra vakabobulataki e Papiloni se nira tiko tale ena nodra vanua, era sega ni rerevaka na manumanu kila se o ira na tamata itovo vakamanumanu.—Ese 8:21, 22.
E vakayacori vakacava na parofisai qori ena noda gauna?
E veisautaka na itovo na kilaka me baleti Jiova. O ira na dau voravora tu ena dua na gauna, era veisau mera dau veisaututaki. Na kilaka me baleti Jiova e tauyavutaki kina na parataisi vakayalo e vuravura.
Sala ena vakayacori kina na parofisai qori ena gauna se bera mai
Ena veisautaki na vuravura me parataisi, eda na taqomaki, vakilai tale ga na veiyaloni me salavata ga kei na inaki taumada ni Kalou. Ena sega ni dua na ka buli, manumanu, se tamata me vakarerei keda.
A veisautaki Paula na kilaka me baleta na Kalou
E dua na Farisi o Saula, e vakaitovotaki koya ena itovo vakamanumanu.—1Tm 1:13.
E veisautaki koya na kilaka dodonu.—Kol 3:8-10.