NODA BULA VAKARISITO

Vukei Ratou Nomu Vuvale me Ratou Nanumi Jiova

Era guilecavi Jiova na Jiu, e mani vakaroti Jeremaia na Kalou me vakasalataki ira ena veivakarusai ena yacovi ira. (Jr 13:25) E tekivu vakacava na leqa qori? Era malumalumu vakayalo na vuvale e Isireli. Macala e ke nira sega ni muria tiko na ulunivuvale na veidusimaki i Jiova ena Vakarua 6:5-7.

Ratou marautaka tiko na Sokalou Vakavuvale e dua na vuvale itubutubu le dua; ratou vakayagataka tiko e dua na vuvale na mape ni gauna vakaivolatabu ena Sokalou Vakavuvale

Ni kaukaua vakayalo na vuvale, ena toso vinaka tale ga nikua na ivavakoso. O ira na ulunivuvale e rawa nira vukei ira nodra vuvale mera nanumi Jiova, qori nira muria e dua na ituvatuva ni Sokalou Vakavuvale e caka wasoma qai veiganiti. (Sm 22:27) Ni saravi oti na vidio “Me Dei e Lomamu na Vosa Kece Qo”—Vakatarogi na Vuvale, me saumi sara na taro qo:

Na cava era cakava eso na vuvale me kua ni dua na ka e vakalatilati ena nodra sokalou vakavuvale?
E yaga vakacava ni wasoma qai veiganiti na Sokalou Vakavuvale?
Na cava eso na ka e dau vakalatilati ena noqu Sokalou Vakavuvale? Cava au nanuma meu cakava kina?