“Rokova na Tamamu kei na Tinamu”

Ni se bula e vuravura o Jisu, e dau vakabibitaka na ivakaro: “Rokova na tamamu kei na tinamu.” (Ly 20:12; Mac 15:4) E doudou ni vosa o Jisu baleta ni a “talairawarawa tiko ga” vei rau na nona itubutubu ena gauna se gone kina. (Lu 2:51) Ni uabula a vakadeitaka me qaravi vinaka o tinana, ena gauna sa mate kina. —Jn 19:26, 27.

Nikua, o ira na gone lotu vaKarisito era rokova na nodra itubutubu, era dau talairawarawa ra qai vosa vei ira ena veidokai. Koya gona, e sega ni vakaiyalayala na noda rokovi rau. Ni rau sa qase mada ga, meda rokovi rau tiko ga nida rogoca na nodrau nanuma. (Vvb 23:22) Eda na rokovi rau tale ga noda itubutubu qase nida vukei rau vakailavo se kauaitaka na ka rau gadreva. (1Tm 5:8) Eda gone se qase, nida veivosaki wasoma kei rau na noda itubutubu, e vakaraitaka nida rokovi rau.

SARAVA NA DROINI YAVALA MEU VOSA VAKACAVA VEI RAU NOQU ITUBUTUBU? QAI SAUMA NA TARO QO:

• Na cava e rairai vakadredretaka mo vosa vei rau nomu itubutubu?

• O na vakaraitaka vakacava na veirokovi ni o vosa vei rau?

  

• Na cava na yaga ni nomu vosa vei rau? (Vvb 15:22)