“Dou Yadra Tiko”

25:1-12

E vakaibalebaletaka tiko o Jisu nona vosa vakatautauvata me baleti ratou na tini na goneyalewa vei ira nona imuri lumuti, ia e yaga na kena itukutuku vei keda kece na lotu vaKarisito. (w15 15/3 12-16) “Mo dou yadra tiko gona, ni dou sega ni kila na kena siga se na kena aua.” (Mac 25:13) O rawa ni vakamacalataka na vosa vakatautauvata i Jisu?

• Taganevou (tikina e 1)—Jisu

• Goneyalewa vuku, ratou vakavakarau (tikina e 2)—O ira na lotu vaKarisito lumuti era tu vakarau ni vakayacora nodra ilesilesi ena yalodina, era rarama tiko ga me vaka na cina me yacova na icavacava (Flp 2:15)

• Rogo na kaila: “Sa yaco mai na taganevou!” (tikina e 6)—iVakadinadina ni sa tiko o Jisu

• Yalewa lialia (tikina e 8)—O ira na lotu vaKarisito lumuti era lai tavaka na Taganevou, ia era sega ni yadra tiko, era sega ni yalodina tiko ga

• Goneyalewa vuku ratou sega ni via wasea nodratou waiwai (tikina e 9)—Ni sa dregati na iotioti ni lumuti, o ira na lumuti yalodina era sa na sega ni vukea rawa tale e dua e tawayalodina

• “Sa yaco mai na taganevou” (tikina e 10)—E mai vakataulewa o Jisu ena icavacava ni veivakararawataki levu

• Ratou curu vata kei koya na taganevou na goneyalewa ina kana ni vakamau, qai sogo na katuba (tikina e 10)—Kumuni ira na lumuti yalodina o Jisu i lomalagi, ia sa sega nodra icocovi e lomalagi na tawayalodina