Meda Maqosa Tiko Ga ena Cakacaka Vakaitalatala—Vaqaqara ena JW.ORG

VUNA E BIBI KINA: Na ka kece e tiko ena kato iVukevuke ni Veivakavulici e dusimaki keda ina jw.org. Na inaki levu ni jw card kei na tikidua Eda na Raica e Vei na iSau ni Taro Bibi me Baleta na Bula?, me dusimaki ira na lewenivanua ina noda website. O rawa ni vakayagataka na jw.org mo vakauta e dua na ivola se vidio ena imeli. E yaga sara qo ni o vunau vei ira e duatani nodra vosa. Kena ikuri, era rawa ni taroga na lewenivanua eso na taro e tiko na kedra isau ena ivola e sega ni tiko ena kato iVukevuke ni Veivakavulici. Ke da vaqaqara ena website, ena vuavuaivinaka na noda cakacaka vakaitalatala.

KENA IWALEWALE:

• 

  Vakayagataka na iwasewase “IVAKAVUVULI VAKAIVOLATABU” Kaya mada ni o vunau vua e dua na itubutubu ena via kila eso tale na itukutuku me tuberi luvena kina. Rai ena IVAKAVUVULI VAKAIVOLATABU > VAKAWATI & VUVALE.

• Vakayagataka na iwasewase “KA E VAKARAUTAKI” Kaya mada ni o vunau tawalokuci tiko e koronivuli o qai via wasea vua e dua drau vuli vata na brochure iSau ni 10 na Taro Era Taroga na iTabagone. Rai ena KA E VAKARAUTAKI > IVOLA & BROCHURE.

• Vakayagataka na iwasewase “BALETI KEIMAMI” Kaya mada ni o vunau tiko vua e dua drau cakacaka vata ena via wilika e dua na itukutuku lekaleka ni ka eda vakabauta. Rai ena BALETI KEIMAMI > TARO E TAROGI WASOMA.

SARAVA NA VIDIO VAQAQARA ENA JW.ORG, QAI VAKASAMATAKA NA VANUA O NA RAI KINA ENA WEBSITE MO VUKEA:

• e dua e sega ni vakabauta na Kalou

• e dua se qai sotava ga e dua na ituvaki rarawataki

• e dua na tacida sa malumu tu vakayalo

• e dua na veisikovi lesu e via kila na kena vakailavotaki na noda cakacaka

• e dua e lako mai vanuatani e via tiko ena soqoni ena nona vanua