Meda Maqosa Tiko Ga Ena Cakacaka Vakaitalatala​—Vola iVola

VUNA E BIBI KINA: Na iMatai ni Korinica e dua vei ira na 14 na ivola e vakayaloqaqataki ira kina na tacina lotu vaKarisito na yapositolo o Paula. Ni dua e vola ivola, ena digia vinaka na vosa e vakayagataka, ena uqeti koya e wilika me dau taleva. Na ivola e sala vinaka meda vunau kina vei ira na wekada kei ira eda veikilai. E sala vinaka tale ga meda vunau kina vei ira e dredre meda sota. Kena ivakaraitaki, ena rairai tataleitaki e dua, ia e dredre nida sota e vale. Ena rairai dredre meda vunau vei ira eso ena noda yalava nira tiko ena tabavale e yadravi tu, vakamatamata, se vanua lala. Na cava meda vakasamataka tiko nida volavola vei ira eda sega ni veikilai?

KENA IWALEWALE:

• 

  Vola na ka o na tukuna ni drau sota. Vakamacalataki iko ena ikau ni ivola, vakamatatataka tale ga na vu ni nomu volavola. O rawa ni taroga vua e dua na taro me vakasamataka qai dusimaki koya ena noda website. Oti tukuna vua na vuli iVolatabu ena Internet (Online Bible Study Lessons), vakamacalataka na noda porokaramu ni vuli iVolatabu e vale, se vola e vica na ulutaga mai na noda ivola ni vuli. Rawa ni biuta e loma na jw card, ivola ni veisureti, se tikidua

• Me lekaleka ga nomu ivola, de oca tale o koya na wiliwili.—Raica na sabolo ni ivola ena tabana e 8

• Wilika vinaka me kua ni dua na cala, me savasava. Vakadeitaka me taleitaki, matau qai veiuqeti. Me biu na kena sitaba