IYAU MAI NA VOSA NI KALOU | KOLOSA 1-4
Luvata Tani na Tamata Makawa, Sulumaka na iTovo Vou
Vakacava o cakava e levu na veisau ni o mai kila na dina? Mo nuidei ni marautaka o Jiova na nomu sasaga. (Isi 33:11) Ia ena vinakati tiko ga na sasaga mo kua ni muria tale na nomu itovo makawa qai vakaraitaka tiko ga na itovo vou. Sauma e vica na taro qori mo kila kina eso na ka mo vakavinakataka:
Au dau katona na ca ni dua e vakacudrui au?
Au dau vosovoso ena gauna mada ga au vakatotolo kina se oca?
Au dau cavuraka totolo na vakanananu ca?
Au dau beci ira na matatamata tale eso?
Vakacava e veibeci na noqu vosa ena dua na gauna lekaleka sa oti, seu cudru vakalevu niu sega ni lewai au vinaka?