Na Cava o Vulica ena Sere ni JW Broadcasting?

Na cava eso nomu sere taleitaki ena JW Broadcasting? Na cava o taleitaka kina? Vakacava o raica ni vakaraitaki kina na ka o dau sotava e veisiga? E duidui na kena usutu kei na kena ilagalaga, e rawa nida taleitaka kece. Ia e sega ni ka ni veivakamarautaki ga na sere qori kei na vidio ni ivakatagi.

Levu na ka eda vulica ena sere ni broadcasting e yaga ena noda bula vaKarisito kei na cakacaka vakaitalatala. Eso na sere e baleta na veikauaitaki, duavata, veitokani, yaloqaqa, loloma, kei na vakabauta. Eso tale na sere e uqeta meda lesu vei Jiova, veivosoti, yalodina e veisiga, meda saga tale ga noda isausau vakayalo. E tiko mada ga e dua na sere e baleta na vakayagataki vakavuku ni talevoni. Na cava tale eso na ka o vulica ena sere ni broadcasting?

SARAVA NA VIDIO NI SERE SA VOLEKA SARA, OTI QAI SAUMA NA TARO QO:

• Na veivakalougatataki cava rau vakasamataka tiko na veiwatini qase qo?—Vte 12:3

• Eda na vaqaqacotaka vakacava noda nuitaki Jiova me vakayacora na ka e yalataka?

• O cei eda na veimarautaki ena vuravura vou sa voleka?

• E uqeti keda vakacava na inuinui ni Matanitu ni Kalou meda vosota na veika dredre ena gauna qo?—Rom 8:25