Vakatutu ni Vuli

Kila Vinaka na “Sere Vakayalo”

“Eso na siga au dau yalolailai sara ga, ia e vakayaloqaqataki au o Jiova ena sere e lagati ena JW Broadcasting^®.”—Lorraine, Merika.

Na “sere vakayalo” e okati ena sokalou vaKarisito. (Kolo. 3:16) Ke o vulica vinaka na sere qo, ena yaga sara vei iko ke sega na ivolanisere se iyaya vakalivaliva. Tovolea e vica na vakatutu qo mo kila vinaka na qaqanisere.

• Wilika vinaka na qaqanisere mo kila na kena ibalebale. Ena rawarawa mo kila e dua na ka ke vakaibalebale vei iko. Na qaqa ni noda sere kece, wili kina na sere ena JW Broadcasting kei na nodra sere na gone, e vakarautaki ena jw.org. Mo gole ena “Ka e Vakarautaki,” rai ena “iVakatagi.”

• Vola na qaqanisere. Nomu cakava qori ena kasa kina ena nomu vakasama na qaqana.—Vkru. 17:18.

• Vakatovotovo ena domolevu. Wilika se lagata vakawasoma na sere.

• Tovolea mo nanuma na qaqana. Tovolea mo nanuma na qaqana ni o sega ni raica na tikinipepa e volai tu kina na qaqanisere, oti mo vakalewa na ka o sa rawa ni cakava.