IYAU MAI NA VOSA NI KALOU | LAKO YANI 35-36

Vakarautaki ena Cakacaka i Jiova

Na yalo tabu i Jiova e vukei Pisalieli kei Aoliapi me rau muria vakamatailalai na itaratara ni valeniveitavaki. (Raica na iyaloyalo ena waqana.) O Jiova e solia tale ga nona yalo tabu vei ira nona dauveiqaravi nikua. Na cava meda cakava me rawa ni tokoni keda nona yalo tabu?

Meda kerea na yalo tabu me rawa nida qarava vinaka sara noda itavi vei Jiova
Meda vulica vagumatua na Vosa uqeti ni Kalou
Meda solia noda vinaka kece ena itavi eda lesi kina

iYaloyalo: Era qarava na iVakadinadina i Jiova na nodra ilesilesi vakalou. 1. Era vakaitavi na tacida yalewa ena tarataravaki. 2. E vakavakarau e dua na tacida tagane me liutaka na vuli ni ‘Vale ni Vakatawa’. 3. E vunau na tacida tagane vua na itaukei ni sitoa, e vakararai tu na nona itokani me raici ira na dauveitusaqati. 4. Rau vuli tiko na veiwatini qo ena Koronivuli ni iTalatala ni Matanitu.

Na itavi cava me vakarautaki iko kina o Jiova?