E iVakaraitaki ni Loloma Noda Tokona na Veivakadodonutaki i Jiova

Na veivakasivoi e taqomaka na ivavakoso, era vakavulici tale ga kina na sega ni veivutuni. (1Ko 5:6, 11) Noda tokona na veivakadodonutaki i Jiova, e ivakaraitaki ni noda loloma. E macala ga nida dau rarawa ni vakasivoi e dua na wekada, era rarawa na weka voleka kei ratou na lewe ni komiti ni veilewai. E rawa gona vakacava nida kaya ni noda tokona na veivakadodonutaki i Jiova e ivakaraitaki ni loloma?

Koya e bibi duadua, eda vakaraitaka nida lomani Jiova, nida taqomaka na kena irogorogo, eda mareqeta nona ivakatagedegede savasava. (1Pi 1:14-16) Eda vakaraitaka tale ga nida lomani koya e vakasivoi. E dau mosimosi na veivakasivoi, ia ena ‘kauta mai na vakacegu, ena dodonu kina na ivalavala.’ (Ipe 12:5, 6, 11) Ke da veimaliwai tiko kei na dua e vakasivoi se biuta na isoqosoqo, eda sa vakalatilati tiko ena nona veivakadodonutaki o Jiova. Mo nanuma tiko ni o Jiova e dau vakadodonutaki ira nona tamata “vakarauta ga.” (Jr 30:11) Nida tokona na veivakadodonutaki i Jiova qai dei tiko ga ena noda ituvatuva vakayalo, eda vakanuinui tiko ni na lesu mai na wekada qori vua na Tamada dauloloma.—Ais 1:16-18; 55:7.

ME SARAVI NA VIDIO YALODINA TIKO GA MAI VU NI LOMADA, OTI QAI SAUMA NA TARO QO:

• 

  Na cava era dau vakila na itubutubu ni biuti Jiova e dua na luvedra?

• 

  Ena veitokoni vakacava na ivavakoso vei ratou na lewenivuvale eratou yalodina tiko?

• 

  Na ivakaraitaki vakaivolatabu cava eda vulica kina ni dodonu me bibi sara noda yalodina vei Jiova mai vei ira na lewenivuvale?

• 

  Eda na vakaraitaka vakacava ni bibi sara noda yalodina vei Jiova mai vei ira na lewenivuvale?