O Via Vakalewe Fomu ni Koronivuli ni iTalatala ni Matanitu?

Vakacava e tiko nomu yabaki ni bula mai na 23 ina 65? O veiqaravi vakatabakidua? O bulabula vinaka? O rawa ni veiqaravi ena vanua e vinakati kina vakalevu na veivuke? Ke o vakaio ena taro kece qori, vakacava o sa bau vakasamataka mo vakalewe fomu ni Koronivuli ni iTalatala ni Matanitu? Me tekivu mai na imatai ni kalasi, era sa cakava qori e levu na veiwatini, cauravou kei na goneyalewa. Ia e vinakati mera vakalewe fomu e levu na tacida cauravou. Kerei Jiova me uqeti iko mada ga mo vakamarautaki koya, mo vakatotomuri Luvena tale ga. (Sm 40:8; Mac 20:28; Ipe 10:7) Oti qai saga mo vakalailaitaka nomu cakacaka saumi se so tale na itavi mo rawa ni vakadonui ena vuli.

Na itavi cava era lai veiqaravi kina o ira na vuli oti? Eso era lesi mera veiqaravi ena so tale na vosa se mera vakaitavi ena vunau lavotaki e matanalevu ena siti. Eso era ivakatawa sara ni tabacakacaka se ra veisosomitaki, eso tale era lai daukaulotu. Ni o vakasamataka na ka o rawa ni cakava ena nomu veiqaravi vei Jiova, me tautauvata mada ga nomu rai kei na parofita o Aisea ni kaya: “O yau qo! Moni talai au!”—Ais 6:8.

SARAVA NA VIDIO DAUKAULOTU—ERA GUMATUA ENA TATAMUSUKI, OTI QAI TAROGA:

• 

  Era digitaki vakacava na daukaulotu?

• 

  Na cakacaka yaga cava era cakava tiko na daukaulotu?

• 

  Era vakalougatataki vakacava na veiqaravi vakadaukaulotu?