Ra iTubutubu, Vakavulici Luvemu ena ka me Kila

Eda bula tu ena vuravura era raica kina e levu me vinaka na ca, e ca na vinaka. (Ais 5:20) Ka ni rarawa, eso gona era cakava na ka e cata o Jiova, ya ni sega ni rakorako nodra veimaliwai vakatagane se vakayalewa. E rawa nira temaki na luveda vei ira eso na nodra icaba se so tale e koronivuli mera vakatotomuria na nodra ivakarau. O na vukei ira vakacava ena ka mera cakava nira sotava eso na ituvaki va qori?

Mo vakavulici ira ena lawa i Jiova. (Vns 18:3) Mo vakavulici ira ena ka e tukuna na iVolatabu me baleta na veiyacovi, ia me vakatau ena yabaki ni nodra bula. (Vkr 6:7) Mo taroga: ‘Au sa vakavulica vua na veika me baleta na veitaleitaki, na bibi ni isulu e rakorako, kei na sala mera rokovi koya kina eso tale? Ena kila o luvequ na ka me cakava ke dua e via vakaraitaka vua na iyaloyalo vakasisila ni veiyacovi, se kaya vua me cakava na ka e sega ni taleitaka o Jiova?’ Nira vakavulici rawa na gone ena ka mera kila, era na taqomaki kina. (Vvb 27:12; Dvu 7:12) Ni o cakava qori, o vakaraitaka tiko ni o lomani ira na isolisoli talei nei Jiova.—Sm 127:3.

SARAVA NA VIDIO ME KUA NI KASURA NA VALE ONI TARA—TAQOMAKI IRA NA LUVEMU MAI NA “KA E CA,” OTI QAI SAUMA NA TARO:

• 

  Na cava era lomalomarua kina eso na itubutubu mera vakavulici luvedra ena veika me baleta na veiyacovi?

• 

  Na cava mera tuberi ira kina na luvedra na itubutubu ena “ivakavuvuli kei na ivakasala i Jiova”?—Efe 6:4

• 

  Na cava e vakarautaka na isoqosoqo me vukei ira na itubutubu ena nodra vakavulici na gone me baleta na veiyacovi?—w19.05 12, kato

• Na cava mo veivosaki wasoma kina kei luvemu ni bera ni yaco e dua na leqa levu?