Vakaraitaka na Loloma ena Vuvale

Na loloma era veivolekati kina na lewenivuvale. Ke sega na loloma, ena dredre me duavata qai cakacaka vata na vuvale. Era na vakaraitaka vakacava na loloma na tagane kei na yalewa vakawati, vaka kina o ira na itubutubu?

Na tagane vakawati dau loloma ena kauaitaki watina, nona rai, kei na ivakarau ni lomana. (Efe 5:28, 29) Ena vakarautaka na ka vakayago kei na ka vakayalo vei ratou nona vuvale, okati kina na kena vakayacori wasoma na Sokalou Vakavuvale. (1Tm 5:8) Na yalewa vakawati dau loloma ena vakarorogo vei watina, ena ‘dokai koya tale ga vakalevu.’ (Efe 5:22, 33; 1Pi 3:1-6) E bibi me rau dau yalorawarawa ni veivosoti. (Efe 4:32) O ira na itubutubu dau loloma era na kauaitaki ira yadudua na luvedra, ra vakavulici ira mera lomani Jiova. (Vkr 6:6, 7; Efe 6:4) Na ituvaki cava era vakatovolei kina na luvedra e koronivuli? Era vorata vakacava na veimurimuri? Nira veilomani vakalevu na lewe ni vuvale, era vakila nira taqomaki, era nuidei tale ga.

SARAVA NA VIDIO VAKARAITAKA TIKO GA NA LOLOMA ENA VUVALE, QAI SAUMA NA TARO QO:

• 

  E vakania qai karona vakacava na watina na tagane vakawati dau loloma?

• 

  E vakaraitaka vakacava o yalewa vakawati dau loloma ni dokai watina vakalevu?

• 

  Era na tugana vakacava na itubutubu dau loloma na Vosa ni Kalou vei luvedra?