NODA BULA VAKARISITO

**Vakayagataka na Marau me Tawamudu! ena Cakacaka Vakaitalatala**

Eda marau ni sa tiko na brochure kei na ivola vou ni vuli iVolatabu! Eda masuti Jiova me vakalougatataka noda sasaga meda vakavulica e levu tale mera tisaipeli. (Mac 28:18-20; 1Ko 3:6-9) Eda na vakayagataka vakacava na ivukevuke vou qo?

Me vaka e vakaraitaki ena ivola ni vuli iVolatabu Marau me Tawamudu! na iwalewale vou ni veivakavulici, mo muria na idusidusi qo ni o vakavakarau kei na caka vuli iVolatabu.a

Wilika na ka e vulici qai veivosakitaka na taro
Wilika na tikinivolatabu e volai kina “wilika” qai vukei gonevuli me kila na sala me muria kina
Me saravi na vidio qai veivosakitaki na kena taro vakarautaki
Saga me vulici e dua na lesoni ena dua na gauna ni vuli

Ena cakacaka vakavunau, solia na brochure mo kila ke tataleitaki o koya drau veivosaki. (Raica na kato “Solia na Brochure Marau me Tawamudu! ena iMatai ni Veisiko.”) Ke drau sa vulica oti na brochure qai vinakata o gonevuli me tomana, solia sara na ivola, me tekivu ena lesoni 04. Ke drau vulica tiko na ivola Vulica ena iVolatabu se na Tiko ga ena Loloma ni Kalou, drau dewa ina ivola Marau me Tawamudu! qai lewa na vanua me tekivu kina.

Rau vakayagataka na veiwatini qori na ivola “Marau me Tawamudu!” me ratou vulica vata kei na tagane qori ena nona vale.

ME SARAVI NA VIDIO QO NOMUNI GAUNA NI VULI, QAI SAUMA NA TARO QO:

Na cava era na vulica na gonevuli ena ivola vou qo?
Na cava mo vakaraitaka kina na vidio qo vei ira na gonevuli vou?
Na isausau cava mo uqeti gonevuli tiko kina vakalalai me sauva?—Raica na kato “Ka e Vakabibitaki kei na iSausau ena iWasewase Yadua”

a ME NANUMI: Na iwasewase “iKuri” e rawa ni vulici se sega, e vakatau. Ia mo wilika se sarava na ka e tu kina ni o vakavakarau tiko. O na kila kina na ka ena rairai taleitaka o gonevuli, se yaga vua. Na ilavelave ena iyaya vakalivaliva e tiko kina na isema ni vidio kei na so tale na ka.

KA E VAKABIBITAKI KEI NA ISAUSAU ENA IWASEWASE YADUA
	LESONI	KA E VAKABIBITAKI	ISAUSAU NEI GONEVULI
1	01-12	Vakasamataka na yaga ni iVolatabu vei iko kei na sala mo kilai koya kina e vola	Uqeti gonevuli me wilika na iVolatabu, vakavakarau ena vuli, me tekivu soqoni tale ga
2	13-33	Raica na ka sa cakava vei keda na Kalou kei na ivakarau ni sokalou e marautaka	Uqeti gonevuli me tukuna yani na ka dina, me dautukutuku tale ga
3	34-47	Vakasamataka na ka e namaka na Kalou vei ira na sokaloutaki koya	Uqeti gonevuli me yalataka nona bula vei Jiova, me papitaiso sara
4	48-60	Vulica na sala mo tiko ga kina ena loloma ni Kalou	Vakavulici gonevuli me vakaduiduitaka na ka e donu mai na ka e cala, me toso tale ga vakayalo