Ra iTabagone—Talaucaka na Lomamu Vei Ta kei Na

Na cava mo talaucaka kina na lomamu vei rau na nomu itubutubu? (Vvb 23:26) Ni tataunaka vei rau o Jiova na nomuni karoni kei na nomuni dusimaki. (Same 127:3, 4) Ena dredre me rau vukei iko ke o vunia tiko ga na ka o kauai kina se lomaleqataka. O na sega tale ga ni vuli ena ka erau sotava mai. Vakacava e cala mo talaucaka na lomamu? Sega, mo kua ga ni lawakitaki rau.—Vvb 3:32.

O na vosa vakacava vei rau? Digia na gauna e veiganiti vei kemudou kece. Ke dredre qori, o rawa ni vola vei Ta se o Na na ka o via tukuna. Vakacava ke rau via veivosakitaka e dua na ka o sega ni taleitaka? Mo nanuma tiko ni rau via vukei iko. Erau nomu itokani, sega ni kemu meca. Ena yaga dina ena vo ni nomu bula na nomu sasaga mo dau talaucaka vei rau na lomamu, o na rawata kina na bula tawamudu!—Vvb 4:10-12.

SARAVA NA VIDIO NOQU BULA VAKAITABAGONE—MEU VOSA VAKACAVA VEI RAU O NA KEI TA? QAI SAUMA NA TARO QO:

• Na cava erau qai kila o Esther kei Partik ni rau vakasamataka nodrau bula?

• Na cava o vulica vei Jisu?

• Erau vakaraitaka vakacava na nomu itubutubu ni rau kauaitaki iko?

• Na ivakavuvuli vakaivolatabu cava ena uqeti iko mo vosa vei rau?