Vukei Ira na Gonevuli Mera Biuta na iTovo Dukadukali

Era veivolekati kei Jiova o ira ga e savasava nodra itovo. (1Pi 1:14-16) Nira biuta na itovo ca na vuli iVolatabu, ena rawa ni vinaka nodra bula vakavuvale, era bulabula vakayago, era vakabula ilavo tale ga.

Tukuna vakamatata na ivakatagedegede i Jiova, na vuna e bibi kina, kei na yaga ni noda muria. Vukei ira na vuli iVolatabu mera veisautaka na ivakarau ni nodra vakasama, ena laurai ena nodra itovo. (Efe 4:22-24) Vakadeitaka vei ira ni na vukei ira o Jiova mera biuta na itovo ca sa vakawakana tu. (Flp 4:13) Vakavulici ira mera masuti Jiova nira temaki. Vukei ira mera kila na ituvaki e rawa nira temaki kina, me rawa nira qaqarauni. Uqeti ira mera cakava eso tale na ka ena yaga vei ira, mera kua kina ni caka cala. Eda marau nira veisau na vuli iVolatabu ena veivuke i Jiova.

SARAVA NA VIDIO VUKEI IRA NOMU VULI IVOLATABU MERA BIUTA TANI NA ITOVO DUKADUKALI, OTI SAUMA NA TARO QO:

• Erau nuitaki Senibua vakacava na qase ni ivavakoso kei Nita?

• Na sala cava tale e vukei Senibua kina o Nita?

• E kere veivuke vakacava vei Jiova o Senibua?