Vukei Ira na Gonevuli Mera Veivolekati kei Jiova

E vinakata o Jiova meda qaravi koya nida lomani koya. (Mac 22:37, 38) Na nodra lomana na Kalou na gonevuli ena uqeti ira mera veisau ra qai vosota na ituvaki dredre. (1Jn 5:3) Ena uqeti ira nodra lomana na Kalou mera papitaiso sara.

Mo vukei ira nomu gonevuli mera raica na sala e lomani ira kina na Kalou. Tarogi ira: “Na cava e vakaraitaka qo me baleti Jiova?” se “E vakaraitaka vakacava qo ni lomani iko o Jiova?” Vukei ira mera raica na sala e vukei ira kina o Jiova. (2Ve 16:9) Rawa ni tukuna na sala e rogoca kina o Jiova nomu masu, qai uqeti ira mera vakasamataka na sala e rogoca kina o Jiova nodra masu. Eda marau vakalevu nida raica nodra veisau na vuli iVolatabu nira lomani Jiova qai volekati koya.

SARAVA NA VIDIO VUKEI IRA NOMU VULI IVOLATABU MERA VEIWEKANI VOLEKA KEI JIOVA, OTI SAUMA NA TARO QO:

• Na cava na ituvaki dredre e sotava o Senibua?

• E vukei Senibua vakacava o Nita?

• E walia vakacava na ituvaki dredre ya o Senibua?