IYAU MAI NA VOSA NI KALOU

‘Ena Tiko Kina na Lomaqu ena Veigauna Kece’

O Jiova e digia na valenisoro e tiko kina na yacana (2Ve 7:11, 12)

Ena tiko e kea na lomana, kena ibalebale ni kauaitaka vakabibi na ka e vakayacori kina ni vauca na yacana (2Ve 7:16; w02 15/11 5 ¶1)

Ke ra sega ni lako voli na Isireli e mata i Jiova “mai vu ni lomadra taucoko,” ena vakatara me vakarusai na valenisoro (2Ve 6:14; 7:19-21; it-2 1077-1078)

iYaloyalo: iVakarau ni sokalou. 1. E masu na tacida tagane. 2. E vakamacala ena soqoni na tacida yalewa. 3. Rau vunau tiko e dua na veiwatini. 4. Sasamaki tiko na tacida tagane ena Vale ni Soqoni. 5. E liutaka nodratou sokalou vakavuvale na tacida tagane, e tiko o watina kei rau na gone. 6. Wili iVolatabu tiko na tacida yalewa. 7. E biuta nona cau e dua na tacida yalewa.

Na gauna e vakatabui kina na valenisoro, era rairai nanuma na Isireli ni na vu mai lomadra na nodra qaravi Jiova. Ka ni rarawa ni toso na gauna sa ra sega ni gumatua ena nodra sokalou vei Jiova.

MO TAROGA ‘Au vakaraitaka tiko vakacava niu kauaitaka vakabibi na noqu sokalou?’