Raici Iko Mai na Rai i Jiova

E “dau marautaki ira na nona tamata o Jiova.” (Sm 149:4) Nida sega ni uasivi, e raica na noda itovo vinaka kei na ka eda rawa ni cakava. Ia eso na gauna e ka ni sasaga me donu na noda rai me baleti keda. De dua eda beci keda ena vuku ni ka era dau cakava vei keda eso tale. Se nida kauaitaka vakasivia na noda cala makawa, eda nanuma kina ni sega ni lomani keda o Jiova. Na cava meda cakava ni va qori na noda rai?

Meda nanuma tiko ni o Jiova e raica na ka eda sega ni raica rawa. (1Sa 16:7) Kena ibalebale ni kilai keda vinaka. Eda marau ni vukei keda na iVolatabu meda kila na rai i Jiova me baleti keda. Eda na cakava qori nida wilika na tikinivolatabu kei na itukutuku e vakaraitaka ni lomani ira vakalevu na nona dauveiqaravi o Jiova.

ME SARAVI NA VIDIO VAKADEITAKA NI LOMANI IKO O JIOVA, QAI SAUMA NA TARO QO:

• Na cava eda vulica ena rai i Jiova me baleti keda ena vosa vakatautauvata ni koya na cauravou daucici kei tamana?

  Your answer

• Ke dua e valavala ca bibi qai saga me vinaka tale nona veiwekani kei Jiova, ena lomadei vakacava e matana?—1Jn 3:19, 20

  Your answer

• E yaga vakacava vua na tacida qori nona wilika qai vakasamataka vakatitobu na itukutuku me baleti Tevita kei Josafati?

  Your answer