Vakilai e Veivanua na Veicati

E veivosakitaki vakalevu ena tabana ni itukutuku kei na internet na nodra veicati e levu. Kena ivakaraitaki, e levu era vakaraitaka na yalo ni veicati ena internet, nira vakauitukutuku, se era cati ira eso tale na matatamata. Levu era dau vakaduiduitaki, raicalataki, vakalialiai, beci, vakarerei se vakacacani na ka era taukena. Levu tale ga era vakalolomataki ra qai sotava na leqa ena vuku ni veicati!

Na mekesini qo e vakaraitaka na sala e rawa ni valuti kina na yalo ni veicati. Qo e sega ni tatadra wale ga, ia sa yaco dina tiko. E levu e veiyasa i vuravura era sa veisautaka na nodra itovo me vinaka.