Vakatutu Ni Vuli

Vakekeli me Baleti Jiova

Nida wili iVolatabu, eda rawa ni vakayagataka e levu na ivukevuke me matata kina na ka eda wilika. Eda na sega ni cakava qori me levu ga kina na ka eda kila. Eda via vakekeli ena vosa ni Kalou meda kila vinaka na nona itovo, meda rawa ni lomani koya vakalevu. Meda cakava qori eda rawa ni taroga qo: ‘Na cava e kaya na tikinivolatabu qo me baleti Jiova?’

Eda rawa ni qara na ivakadinadina ni itovo talei i Jiova me vaka na loloma, vuku, lewadodonu kei na kaukaua. Ia sega ni koya ga qori. E tiko tale eso na itovo talei i Jiova. O na kunea e vei na veika me baleta na nona itovo qori?

Rawa sara ga ni o rai ena Watch Tower Publications Index ena ulutaga “Jehovah” kei na ulutaga lailai “Qualities by Name,” mo raica kina e sivia ni 50 na nona itovo. Rawa ni o vakekeli ena kena e veiganiti kei na itukutuku vakaivolatabu o wilika tiko. (Ke tiko nomu iDusidusi ni Vakadidike ni iVakadinadina i Jiova, rai ena ulutaga “Kalou o Jiova” ena ulutaga lailai “iTovo i Jiova.”)