iRogo

Dau Veinanumi

Dua na siga, e sarava e dua na tacida yalewa mai Niusiladi na vidio ‘Mera Veikauaitaki na Tikina Kece,’ e tukuni kina nona dau veinanumi o Jiova qai vakaraitaka sara ga na itovo qori. (Aisea 63:​7-9) Oti, e vakatulewataka sara na tacida me muria na ka e vulica ena vidio, ya me dau veivuke. Ni lai voli kakana ena siga qori, e sotava sara e dua na marama e dau wavoki tu ga e tauni ni sega nona vale, mani tukuna vua ni na volia na kena. E vakadonuya na marama qori. Ni lesu mai na tacida yalewa, e vunau vakalekaleka vua qai vakaraitaka na tikidua Ena Rawa ni Oti na Rarawa?

E tagi sara ga na marama qori. Oti, e kaya ni a susu ena dina, ia sa biuta makawa me vica vata na yabaki. Dua na gauna lekaleka sa sivi, e masuti Jiova me vukei koya me lesu yani. E solia sara na tacida yalewa e dua na nona iVolatabu, e tuvanaka tale ga me vuli iVolatabu.a

Meda vakatotomuri Jiova mada ga nida nanumi ira na tamata kece, wili kina o ira na wekada kei ira na tacida ena ivavakoso. Meda vakaraitaka tale ga qori nida qara na sala meda vunau kina.