Veivosoti ni Bera na iVoli

Ena rawa ni vosoti wale ga na noda ivalavala ca ena vuku ni ivoli ni veisereki i Jisu e cabora ena nona dra. (Efeso 1:7) Ia e kaya na iVolatabu: “E cakava qo na Kalou ... ena nona vosota na ivalavala ca ena gauna sa oti,” ni se bera ni cabora o Jisu na ivoli. (Roma 3:25) E rawa ni cakava vakacava qori o Jiova qai dei tiko ga ena nona lewadodonu?

Ena rai i Jiova, sa saumi oti tu na ivoli mai na gauna e vakatulewataka kina me vakarautaka na “kawa” ena qai vakabula na kawatamata. (Vkte. 3:15; 22:18) E vakadeitaka ni na cabora na Luvena duabau ga na ivoli qori ena nona gauna lokuci. (Kala. 4:4; Iper. 10:7-10) Ni matataki Jiova o Jisu ni bula tiko e vuravura, e tu vua na lewa me vosota na ivalavala ca ni bera mada ga ni solia nona bula me ivoli. E cakava qori ni vakayagataka na yaga ni nona isoro ena gauna se bera mai vei ira na vakaraitaka na vakabauta.—Maciu 9:2-6.