Vuli Mo Wasea

E veivakacegui na ka eda vulica ena noda vuli vakataki keda, ia ena veivakacegui vakalevu nida wasea na iyau vakayalo veiuqeti eda vulica. E kaya na Vosa Vakaibalebale 11:25: “O koya e veivakacegui ena vakacegui tale ga.”

Nida wasea na ka eda vulica vei ira eso tale, eda na sega ni guilecava totolo, ena vakalevutaka na ka eda kila. Kena ikuri, eda na marau nida kila ni ka eda wasea ena yaga vei ira.​—Caka. 20:35.

Tovolea qo: Ena macawa mai qo, qara na sala mo wasea kina na ka o vulica vua e dua. O rawa ni cakava qori vua e dua nomu lewenivuvale, dua ena ivavakoso, dua drau cakacaka vata, dua drau vuli vata, dua drau tiko veivolekati, se dua drau sota ena cakacaka vakavunau. Saga mo vakamacalataka qori ena nomu vosa ga, me rawarawa, me matata.

Nanuma tiko: Na ka o wasea me veiuqeti, me kua ni veivakadrukai.​—1 Kor. 8:1.