Vakavinavinakataki na Nona iVola

O Brooke e dua na goneyalewa iVakadinadina i Jiova e tiko e Merika. Ena gauna ni COVID-19, e vunau ni vola ivola. E levu na ivola e dauvola e veimacawa. Ia oti e dua veimama na yabaki e vakila na yalolailai. Na vuna? Ni se qai dua ga e sauma lesu nona ivola, e kaya tale ga vei Brooke me kua ni volavola tale yani. E nanuma o Brooke ni sega ni yaga na nona sasaga.

Ia toso na gauna, rau sota kei Kim e dua na tacida e cakacaka ena baqe. E kaya sara vei Brooke ni rau veitalanoa kei na dua na turaga a gole yani ena baqe. E mani kaya na turaga qori vei Kim ni ciqoma nona ivola e dua na iVakadinadina i Jiova. Qori sara ga e dua na ivola a vola o Brooke! Ena macawa e tarava a lesu tale na turaga qori ina baqe. Ni veivosaki tiko kei Kim, e kaya sara vua ni via tiko tale ga ena soqoni e caka ena zoom.

Sega ni dede, e dua tale ga na tacida o David a tukuna vei Brooke ni dua na tagane rau cakacaka vata a ciqoma tale ga e dua nona ivola. E qoroya na tagane qori ni volai sara ga ena liga na ivola. E kaya: “Au diva mera veikauaitaki tale ga va qo e levu.” E vunau sara vua o David, e solia tale ga nona ivola vakaivolatabu. Dua na ka nona marau na tagane qori.

De dua eda sega ni kila na sala e rawa ni tubu kina na sore ni ka dina eda teivaka ena cakacaka vakavunau. (Dauvunau 11:5,6) Ia na ka e sotava o Brooke e vakadeitaka vua ni yaga dina na nona sasaga ena cakacaka vakaitalatala.—1 Korinica 3:6.