Leqa Vakailavo​—Cava ena Cakava Kina na Matanitu ni Kalou?

E ka ni sasaga vei ira e levu e veiyasa i vuravura mera volia na ka mera bula kina. Na vuna? Ni sa sega ni veirauti na ilavo, qai dredre tiko ga na kena rawati.

• E laurai ena dua na ripote wale ga qo,a “ni sa qai malumalumu tiko ga na kaukaua ni ilavo era rawata na tamata cakacaka e veivula.” E vakarota ke sega ni dua na ka e caka kina, “ena ca sara na veivakaduiduitaki me baleti ira na vutuniyau kei na dravudravua”. E levu tale ga era na “sega ni marautaka na ivakatagedegede ni nodra bula me vaka e liu.”

Vakacava e rawa ni walia se vakavinakataka na matanitu na leqa qori?

E kaya na iVolatabu e dua na matanitu ena vakaotia na leqa vakailavo kece, wili kina na veivakaduiduitaki. E kaya “ena vakarautaka na Kalou ni lomalagi e dua na matanitu,” ena qai vakayacora na ka kece e vuravura. (Taniela 2:44) Ni veiliutaki na matanitu qori, eda na lomani kece vakatautauvata. (Same 9:18) Ena vakarautaka na ka eda gadreva meda marau kina. Eda na marautaka tale ga na ka eda rawata ena vuku ni noda cakacaka vakaukaua.​—Aisea 65: 21, 22.