Na Cava e Vakatokai Kina na Nomuni Valenilotu me Kingdom Hall?

Keimami vakatoka na neimami valenilotu me Vale ni Soqoni ni iVakadinadina i Jiova (Kingdom Hall of Jehovah’s Witnesses.) Qo e vica na vuna e veiganiti kina na yaca qori:

• Qo na vanua keimami dau soqoni kina. E neimami vale ni soqoni ni Matanitu ni Kalou.

• Keimami soqoni kina me keimami sokaloutaki Jiova, na Kalou e tukuni ena iVolatabu, keimami veivosakitaka qai tuvanaka tale ga kina na neimami cakacaka ni vunau.​—Same 83:18; Aisea 43:12.

• Qo tale ga na vanua keimami veivosakitaka qai vulica kina na veika me baleta na Matanitu ni Kalou e dau vunautaka vakalevu o Jisu.​—Maciu 6:9, 10; 24:14; Luke 4:43.

Oni sureti moni mai raica na neimami ivakarau ni sokalou ena dua na Vale ni Soqoni ni iVakadinadina i Jiova (Kingdom Hall) volekati iko.