Vakabibitaki na Sokalou Vakavuvale ena iVolanivula ni 2011

Na usutu ni Calendar of Jehovah’s Witnesses ni 2011 na Sokalou Vakavuvale. Era vakaraitaki kina na vuvale ena gauna vakaivolatabu, kei na gauna nikua. O ira tale ga na dauveiqaravi i Jiova era vakawati kei ira na dawai era vulica na nona vosa.

E laurai ena ivolanivula ni o ira era talanoataki ena iVolatabu era marautaka na vunau i Jiova, qai yaga sara ga qo mera vosota kina na leqa e tara na nodra bula. (Same 1:​2, 3) Nida raica na iyaloyalo yadua, eda na vakasamataka kina na bibi ni Sokalou Vakavuvale, se mani da lewe ni vuvale levu se vuvale lailai, se ra tiko kece ena dina se sega. E tiko na vanua ena ivolanivula mo vola kina na siga dou sa lokuca mo dou sokalou kina vakavuvale. O sa vola?