LESONI 1

Me Laulau na iKau ni Vosa

Cakacaka 17:22

IVAKAMACALA LEKALEKA: Me veiuqeti na ikau ni nomu ivakamacala, kila vinaka na ulutaga, kei na vuna era na taleitaka kina na vakarorogo.

Me veiuqeti. Digia e dua na taro, ivakamacala, na irogo se itukutuku era na taleitaka na vakarorogo.

Vakasamataka vinaka na ka era kauai kina na vakarorogo, qai kila vinaka na ikau mo vakayagataka me ganita na kedra ituvaki.
Kila na tikina bibi. Vakadeitaka me matata vei ira na vakarorogo na ikau ni ulutaga o vosa kina, kei na kena inaki.
Vakaraitaka na vuna e bibi kina. Veisautaka na ka o tukuna me ganiti ira na vakarorogo. Me matata vei ira na sala era rawa ni vakayagataka kina.

Ni o vakarautaka tiko nomu ivunau tarogi iko mada: Na ituvaki cava era sotava tiko na mataveitacini ena ivavakoso? Qai moica na ikau ni nomu vosa me ganita na kedra ituvaki.