LESONI 20

iTinitini e Veiuqeti

Dauvunau 12:13, 14

IVAKAMACALA LEKALEKA: Uqeti ira na vakarorogo ena itinitini ni nomu vosa mera cakava sara ga na ka era sa vulica.

Nomu itinitini me veisemati kei na ulutaga. Tukuna se lesuva tale na veitikina bibi kei na nomu usutu.
Uqeti ira na vakarorogo. Vakamacalataka vei ira na ka mera cakava kei na vuna mera muria kina. Me laurai ena nomu vosa ni o kila na ka o vakamacalataka tiko, e yaga tale ga.
Me rawarawa qai lekaleka nomu itinitini. Kua ni kuria tale ena so na tikina bibi. Vakayagataka ga na vosa veiganiti me yaga kina na itinitini ni nomu ivakamacala.

Kua ni o cavuta vakatotolo na itinitini ni nomu vosa, me dua tiko ga na rorogo ni domomu. Me veivakadeitaki na iotioti ni vica na yatuvosa.