Na Valececere e Pepeli

Oti na Waluvu, ratou sa qai vakaluveni na luvei Noa. E tubu tiko ga na kedra iwiliwili, era lai tawana tale ga na veiyasa i vuravura me vaka ga e tukuna o Jiova.

Ia eso na vuvale era sega ni talairawarawa. Era kaya: ‘Meda tara e dua na koro, da qai tiko ga eke. Me dua tale ga na kena valececere me yaco sara i lomalagi. Eda na kilai levu kina.’

E rarawataka o Jiova na ka era cakava, mani tarova. O kila se cakava vakacava? E vakavuna me duidui na nodra vosa. Nira sa sega ni veikilai vosa, sa cegu na taravale. Na yaca ni koro qori o Pepeli, kena ibalebale “Veilecayaki.” Levu era biubiu mai kea, era lai vakaitikotiko e veiyasa i vuravura. E ca tiko ga na nodra ivakarau. Vakacava, era tiko eso era lomani Jiova? Eda na vulica qori ena wase tarava.