LESONI 7

Donu Qai Nuitaki

Luke 1:3

IVAKAMACALA LEKALEKA: Me nuitaki na itukutuku o vakayagataka me rawa ni donu nodra rai na vakarorogo.

Vaqara eso na itukutuku nuitaki. Yavutaka nomu ivakamacala ena Vosa ni Kalou, wilika sara ga na iVolatabu. Ke o tukuna tiko e dua na ka vakasaenisi, nius, irogo, se itukutuku raica me donu vinaka, me vou tale ga.
Vakayagataka vinaka na itukutuku. Vakamacalataka na tikinivolatabu me salavata kei na tikina wavolita kei na ivola e vakarautaka na “dauveiqaravi yalodina e vuku.” (Maciu 24:45) Ke o vakayagataka eso tale na itukutuku, e bibi me dina qai veidonui kei na inaki nei koya e vola.

Kua ni kuria na itukutuku dina kei na fika. Qarauna eso na ka me vaka na “eso” me kua ni veisau me “levu,” kei na “ena so na ituvaki” me kua ni veisau me “e dau,” vaka kina na “e rawa” me lai “de dua.”
Vakamacala vei ira na vakarorogo. Ni o wilika oti e dua na tikinivolatabu se dua na itukutuku, vakayagataka vakamaqosa na taro se dua na vosa vakatautauvata mera kila kina na vakarorogo na inaki ni ulutaga.