SAUMI NA TARO VAKAIVOLATABU

E rawa nida bula tawamudu?

A bula o Atama me vica vata na senitiuri. Toso na gauna, a qase mani mate sara. Tekivu mai na gauna qori, levu era saga mera tarova na bula vaqase, ia era sega ni rawata. Baleta na cava? A valavala ca o Atama ni talaidredre vua na Kalou, e vakavuna me qase qai mate. Eda qase tale ga ni vakadewa vei keda o Atama na ivalavala ca, e kena isau na mate.​—Wilika Vakatekivu 5:5; Roma 5:12.

Meda rawa ni bula tawamudu, ena gadrevi na ivoli. (Jope 33:​24, 25) Na ivoli e kena inaki me sereki kina e dua na ka e vesu tu. Ia o keda, ena vinakati meda sereki mai na ivau ni mate. (Lako Yani 21:​29, 30) Eda sereki gona ni mai mate ena vukuda o Jisu.​—Wilika Joni 3:16.

Eda na rawata vakacava na bula tawamudu?

E tiko ga o ira era na sereki mai na tauvimate kei na qase. O ira na talaidredre vua na Kalou me vakataki Atama, era na sega ni bula tawamudu. Era na bula tawamudu ga o ira e vosoti na nodra ivalavala ca.​—Wilika Aisea 33:24; 35:​3-6.

E vinakati meda cakava e dua na ka me rawa ni vosoti kina noda ivalavala ca. E bibi meda kila na veika e baleta na Kalou ena noda vulica na nona Vosa na iVolatabu. Ena vakavulici keda me vinaka na ivakarau ni noda bula, eda na kila na sala me vakadonui keda kina na Kalou, meda rawata tale ga na bula tawamudu.​—Wilika Joni 17:3; Cakacaka 3:19.