Cava E Kaya Na iVolatabu?

Cava na Matanitu ni Kalou?

ERA VAKABAUTA ESO ni vakatakarakarataka nona tiko na Kalou e lomada. Eso tale era nanuma ni dusia na sasaga ni tamata me vakilai e vuravura na vakacegu kei na sautu. Cava o nanuma?

KA E KAYA NA IVOLATABU

“Ena vakarautaka na Kalou ni lomalagi e dua na matanitu ena sega sara ni vakarusai. . . . Ena vurumemeataka, ena vakawabokotaki ira na veimatanitu kece [vakatamata].” (Taniela 2:44) Io, na Matanitu ni Kalou e dua dina na matanitu.

CAVA TALE E KAYA NA IVOLATABU?

• Ena veiliutaki mai lomalagi na Matanitu ni Kalou.​—Maciu 10:7; Luke 10:9.

• Ena vakayagataka na Matanitu qori na Kalou me vakayacora kina na lomana e lomalagi kei vuravura.​—Maciu 6:10.

Ena yaco mai ninaica na Matanitu ni Kalou?

CAVA O NA KAYA?

• Sega ni dua e kila

• Sa voleka sara

• Ena sega ni yaco mai

KA E KAYA NA IVOLATABU

“Ena vunautaki mada na itukutuku vinaka qo ni Matanitu ni Kalou ena veiyasa i vuravura me ivakadinadina ina veimatanitu kece, sa na qai yaco na icavacava.” (Maciu 24:14) Ni sa vakacavari na cakacaka vakavunau, sa na qai yaco mai na Matanitu ni Kalou me vakarusa na ituvaki ca qo.

CAVA TALE E KAYA NA IVOLATABU?

• Sega ni dua vei keda e vuravura e kila na gauna ena yaco mai kina na Matanitu ni Kalou.​—Maciu 24:36.

• E vakadinadinataki ena parofisai vakaivolatabu ni sa voleka ni yaco mai na Matanitu ni Kalou.​—Maciu 24:3, 7, 12.