Cava e Kaya na iVolatabu?
Vakacava e dau sauma na masu kece na Kalou?
CAVA O NANUMA?
E sauma na Kalou na masu kece
E sauma ga eso na masu
E sega ni dau sauma kece na noda masu
KA E KAYA NA IVOLATABU
“E voleka o Jiova vei ira kece . . . na kacivi koya ena yalodina.”—Same 145:18.
SO TALE NA KA EDA VULICA ENA IVOLATABU
E sega ni rogoca na Kalou na nodra masu o ira na talaidredre vua. (Aisea 1:15) Ia e rawa nira “veivosaki vakadodonu” kei Jiova ke ra veisautaka nodra ivalavala.—Aisea 1:18.
E volai tu ena iVolatabu na loma ni Kalou. Ena saumi na noda masu ke salavata kei na veika e vinakata na Kalou na ka eda masulaka.—1 Joni 5:14.
Vakacava e bibi me dua na ivukivuki ni masu?
ERA VAKABAUTA ESO ni dodonu mo tekiduru se mo cuva ni o masu se dua tale na kena ivukivuki. Na cava o nanuma?
KA E KAYA NA IVOLATABU
A vakadonuya na Kalou nodra masu eso era “dabe,” “tucake,” “davo vakatoboicu,” se “tekiduru.”(1 Veigauna 17:16; 2 Veigauna 30:27; Esera 10:1; Cakacaka 9:40) Kena ibalebale e sega ni bibi me dua sara na ivukivuki ni masu.
SO TALE NA KA EDA VULICA ENA IVOLATABU
E rogoca na Kalou nodra masu na yalomalumalumu.—Same 138:6.
E vakatau vei iko na vosa mo masu kina, o rawa tale ga ni masu lo.—2 Veigauna 6:32, 33; Niemaia 2:1-6.