VENJING 18

Ger tað upplýsandi og læruríkt

1. Korintbræv 9:19-23

Í STUTTUM: Set gongd á tankarnar hjá teimum, sum lurta, og lat tey føla, at tey fáa nakað burturúr.

Hugsa um, hvat fólk longu vita. Hjálp teimum at síggja evnið úr einum øðrum sjónarhorni, heldur enn bara at endurtaka nakað, sum tey hava hoyrt fyrr.

Viðger væl kent tilfar eitt sindur skjótari, men set ferðina niður, tá ið tú sigur frá onkrum, sum ikki er so kent.
Kanna tilfarið og grunda um tað. Tá ið tað ber til, kanst tú lýsa høvuðstankar við at nevna okkurt áhugavert, sum ikki er so kent, ella okkurt, sum er frammi í løtuni. Hugsa um tilfarið hjá tær, og hvat samband er millum tilfarið og tær upplýsingarnar, tú ætlar tær at nevna.

Tá ið tú kannar tilfarið, kanst tú seta ferð á tínar egnu tankar við at seta tær sjálvum spurningar sum ’hvør, hvar, hvat, hví, hvussu og nær’. Tú kanst gera tína undirvísing meira livandi við at seta slíkar spurningar og svara teimum í fyrilestrinum.
Vís, hvussu evnið kann brúkast. Greið frá, hvussu Bíblian kann brúkast í gerandisdegnum. Nevn ávísar støður, áskoðanir og gerðir, ið eru viðkomandi hjá teimum, sum lurta.