Ezayíi

64 Ényí a ko vún jǐnukúnsin bo jɛ te,

bo bló bɔ só lɛ́ húnhún,

 2 lěe myɔ nɔ ji atínví yɔywɛ,

bo nɔ bló bɔ sin nɔ hun agbǎn gbɔn é ɖɔhun wɛ ɔ,

kɛntɔ́ towe lɛ́ ná tuun nyǐkɔ towe,

bɔ akɔta lɛ́ ná sísɔ́ ɖo nukɔn towe!

 3 Hwenu e a bló nǔjíwǔ e mǐ ma glá ɖó nukún ǎ lɛ́ é ɔ,

a jɛ te, bɔ só lɛ́ húnhún ɖo nukɔn towe.

 4 Sín hwexónu ɔ, mɛ ɖěbǔ se, alǒ wlí tó wú ǎ,

mɔ̌ jɛ́n nukún ɖěbǔ ma mɔ Mawu,

éé nɔ wa nǔ dó mɛ e nɔ ɖo nukún ɖó è wɛ lɛ́ é* tamɛ é ɖěvo zɛ hwi wú ǎ é nɛ́.

 5 A xo go mɛ e nɔ wa nǔ jlɔ́jlɔ́ kpó xomɛhunhun kpó lɛ́ é,

mɛ ɖěɖěe nɔ flín we, bo nɔ xwedó ali towe lɛ́ é.

Éɖíe! A sin xomɛ, hwenu e mǐ fɔ́n bo ɖo hwɛ hu wɛ é,

mǐ ka wa mɔ̌ nú hwenu línlín.

 6 Mǐ bǐ cí mɛ blíblí ɖɔhun,

bɔ nǔjlɔ́jlɔ́núwiwa mǐtɔn lɛ́ bǐ cí avɔ e mɛ è jɛ glegbe dó é ɖɔhun.

Mǐ bǐ ná xú ama ɖɔhun,

nǔwanyido mǐtɔn lɛ́ ná bɛ́ mǐ yi jɔhɔn ɖɔhun.

 7 Mɛ ɖěbǔ ɖo nyǐkɔ towe ylɔ́ wɛ ǎ,

mɛ ɖěbǔ ka tɛ́n kpɔ́n bo ná hɛn we ɖó te ǎ,

ɖó a hwlá nukúnmɛ towe dó mǐ,

bɔ a bló bɔ mǐ xú gǒ* ɖó nǔwanyido mǐtɔn wútu.

Ko wɛ mǐdɛɛ lɛ́ nyí, bɔ hwi wɛ nyí Zɛ̌nmɛtɔ́ mǐtɔn;*

alɔ towe núwiwa wɛ mǐ bǐ nyí.

 9 Jexóva è, ma sin xomɛ syɛ́nsyɛ́n ó,

ma flín nǔwanyido mǐtɔn káká sɔ́yi ó.

Sinyɔ́ɔ húzú gbětótló,

Jeluzalɛ́mu húzú to e jɛ vɔ̌ é.

11 Xwé* mǐtɔn mímɛ́ susunɔ* ɔ,

fí e tɔ́gbó mǐtɔn lɛ́ nɔ kpa susu nú we ɖe é ɔ,

è dó zo,

bɔ nǔ e mǐ nɔ wlíbo ná lɛ́ é bǐ gba hánnyá.