28 JUILLET–3 AOÛT
NǓNYWƐ́XÓ 24
Han 38 kpó ɖɛ kpó | Kplé ɔ sín nu sísɔ́ ɖó te (Cɛ́jú 1)
1. Nǎ hlɔ̌nhlɔ́n hwiɖée nú hwenu vɛ́ wǔ lɛ́
(Cɛ́jú 10)
Kplɔ́n nǔ bo tuun Biblu ganjí, énɛ́ ɔ, a ná ɖó nǔnywɛ́ d’é jí (Nǔx 24:5; it-2 563 akpá. 4)
Awakanmɛ tlɛ kú we hǔn, tɛ́n kpɔ́n bo kpo ɖo nǔ e a nɔ wa ɖo gbigbɔ lixo lɛ́ é wa wɛ (Nǔx 24:10; w09 15/12 18 akpá. 12-13)
Nǔɖiɖi kpó wǎnyíyí kpó syɛ́nsyɛ́n nɔ d’alɔ mǐ bɔ ényí mǐ j’ayǐ ɔ, mǐ nɔ lɛ́ sí te (Nǔx 24:16; w20.12 15)
2. Nǔ xɔ akwɛ́ Biblu tɔn lɛ́ biba
(Cɛ́jú 10)
Nǔx 24:27: Étɛ́ xó ɖɔ wɛ è ka ɖe tawun ɖo nǔnywɛ́xó élɔ́ mɛ? (lvs wět. 10 akpá. 13-15)
Nǔ xɔ akwɛ́ tɛ́ lɛ́ a ka mɔ ɖo Biblu xixa aklúnɔzángbla élɔ́ tɔn mɛ?
3. Biblu xixa
(Cɛ́jú 4) Nǔx 24:1-20 (th nǔkpɔ́nnúmɛ 11)
4. Xóɖɔɖókpɔ́ ɖé bíbɛ́
(Cɛ́jú 2) MAWUXÓÐIÐƆ HWENU E È ÐO NǓ ÐĚVO LƐ́ WA WƐ É. A kpé wú bo ɖe kúnnu cóbónú xóɖɔɖókpɔ́ ɔ fó ǎ. (lmd nǔkplɔ́nkplɔ́n 2 kɛ́n 4)
5. Xóɖɔɖókpɔ́ ɖé bíbɛ́
(Cɛ́jú 3) SÍN XWÉ ÐÉ GBE JƐ XWÉ ÐÉ GBE. (lmd nǔkplɔ́nkplɔ́n 3 kɛ́n 4)
6. Xóɖɔɖókpɔ́ ɖé bíbɛ́
(Cɛ́jú 3) KÚNNUÐIÐE AGBAWUNGBA TƆN. Ðɔ xó dó tuto Biblu kplɔ́nkplɔ́n tɔn mǐtɔn wú nú mɛ ɔ, bo sɔ́ káti Biblu kplɔ́nkplɔ́n tɔn ɖokpó n’i. (lmd nǔkplɔ́nkplɔ́n 4 kɛ́n 3)
7. Xóɖiɖɔ
(Cɛ́jú 3) lmd mɔjɛmɛ ɖěvo lɛ́ A kɛ́n 11. Xóta: Mawu nɔ ɖɔ xó nú mǐ. (th nǔkpɔ́nnúmɛ 6)
Han 99
8. Alɔ dídó mɛɖée ɖo hwenu vɛ́ wǔ lɛ́ mɛ
(Cɛ́jú 15) Xóɖɔɖókpɔ́.
Ajijimɛ ɔ, jɛmɛjí sixú jɛ nǔ gba jí, adla sixú j’ayǐ, hunnyahunnya to tɔn, ahwan alǒ yadónúmɛ sixú wá xwetɔ́n. Ényí nǔ mɔ̌hun lɛ́ jɛ ɔ, nɔví súnnu kpó nɔví nyɔ̌nu kpó mǐtɔn lɛ́ nɔ d’alɔ yěɖée, bo nɔ lɛ́ dó wǔsyɛ́n lanmɛ nú yěɖée. É ɖo mɔ̌ có, ényí nǔ énɛ́ lɛ́ ma tlɛ wa nǔ dó mǐ wǔ tlɔlɔ ǎ ɔ, mǐ nɔ se wǔvɛ́ xá klisánwun hǎtɔ́ mǐtɔn lɛ́ bo nɔ wa nǔ e wú mǐ kpé é bǐ dó d’alɔ yě.—1Kɔ 12:25, 26.
Xa 1 Axɔ́sú lɛ́ 13:6 kpó Jaki 5:16b kpó. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Aniwú ɖɛ e mɛsɛntɔ́ Mawu tɔn lɛ́ nɔ xó dó mɛ ɖěvo lɛ́ tamɛ é ka nɔ ɖó hlɔ̌nhlɔ́n?
Xa Maki 12:42-44 kpó 2 Kɔlɛ́ntinu lɛ́ 8:1-4 kpó. Énɛ́ gúdo hǔn, kan nǔ élɔ́ byɔ́ kpléwátɔ́ lɛ́:
Ényí mǐ ma tlɛ ɖó akwɛ́ káká ɖé ǎ, bɔ nǔníná kpɛví ɖé jɛ́n mǐ sixú ná dó jɔ fún dó nǔ e wa wɛ è ɖe gbɔn gbɛ ɔ bǐ mɛ dó ɖo gǔdo nɔ nú nɔví mǐtɔn e ɖo ninɔmɛ vɛ́ wǔ lɛ́ mɛ é wɛ é mɛ ɔ, aniwú mǐ ma ka ɖó ná xo nǔ kpɔ́n dó mɔ̌ wiwa wú ǎ?
Xó VIDEO Wǔsyɛ́n dídó lanmɛ nú nɔví mǐtɔn ɖěɖěe ɖo fí e è gbɛ́ azɔ̌ mǐtɔn ɖe lɛ́ é é ɔ. Énɛ́ gúdo hǔn, kan nǔ élɔ́ lɛ́ byɔ́ kpléwátɔ́ lɛ́:
Étɛ́ wǎnyíyí ka sísɛ́ nɔví lɛ́ bɔ yě sɔ́ dó sá vɔ̌ bo dó nɔ gǔdo nú nǔɖitɔ́ hǎtɔ́ yětɔn ɖěɖěe ɖo fí e è gbɛ́ azɔ̌ mǐtɔn ɖe ɖo zǎnzǎnhwe jí Elɔ́pu tɔn lɛ́ é?
È gbɛ́ azɔ̌ mǐtɔn có, nɛ̌ nɔví mǐtɔn lɛ́ ka se tónú nú gbe e è ɖe nú mǐ ɖɔ mǐ ní nɔ kplé bo nɔ ná kanmɛsyɛ́n mǐɖée lɛ́ é gbɔn?—Eb 10:24, 25
9. Biblu kplɔ́nkplɔ́n agun tɔn
(Cɛ́jú 30) lfb nǔkplɔ́nkplɔ́n 4-5