Nǔnywɛ́xó
23 Ényí a jínjɔ́n ayǐ bo ná ɖu nǔ xá axɔ́sú hǔn,
gbějé nǔ e ɖo nukɔn towe é kpɔ́n ganjí.
2 Sɔ́ jivǐ dó vɛ̌go mɛ,*
ényí xovɛ́ sin we tawun* ɔ nɛ́.
3 Nǔɖuɖu tɔn e dó jǒ lɛ́ é ní ma gbo vɛ̌ we ó,
ɖó nǔɖuɖu mɛblɛ́blɛ́ tɔn wɛ.
4 Ma zán hwiɖée vún, bo ná dó jɛ dɔkun ó.
Nɔ te, bo ɖe nukúnnúmɔjɛnǔmɛ xlɛ́.*
5 Ényí a sɔ́ nukún towe lɛ́ ɖó dɔkun jí ɔ, é sɔ́ ɖo fínɛ́ ǎ,
ɖó é ná wú awa hɔ̌n ɖɔhun jɛ́n wɛ, bo ná zɔn yi jǐnukúnsin.
6 Ma ɖu gwěnɔ sín nǔɖuɖu ó;
nǔɖuɖu tɔn e dó jǒ lɛ́ é ní ma gbo vɛ̌ we ó,
7 ɖó é cí mɛ e nɔ sɔ́ kɛ́n nǔ nabí e a ɖu é tɔn é* ɖɔhun.
É ná ɖɔ nú we ɖɔ: “Ðu bo nu,” amɔ̌, é ka yi xo tɔn mɛ ǎ.*
8 A ná vi nǔ e a ɖu lɛ́ é,
bɔ xó ɖagbe e a ɖɔ lɛ́ é ná gú we.
9 Ma ɖɔ xó dó tó mɛ nú xlonɔ ó,
ɖó é ná dó vɛ̌ nú nǔnywɛ́ e ɖo xó towe mɛ é.
10 Ma sɛ dogbó sín wuntun e ko ɖo ayǐ xóxó é,
alǒ byɔ́ tɔ́cyɔvǐ lɛ́ sín gle mɛ ó.
11 Ðó Mɛ e nɔ jɛ hun dó yě jí é* ɖó hlɔ̌nhlɔ́n;
é ná jɛ hun dó yě jí, bo ná klán gbe xá we.
12 Hun ayi towe, bo yí kplɔ́n,
hun tó towe, bo ɖótó nǔtuuntuun sín xó lɛ́.
13 Ma gɔn kplɔ́n ná yɔkpɔ́vú* ó.
Ényí a sɔ́ bǎ dó xo è ná ɔ, é ná kú ǎ.
17 Ayi towe ní ma jló hwɛhutɔ́ lɛ́ sín gbɛ ó,
amɔ̌, ɖǒ sísí e gɔ́ngɔ́n é nú Jexóva ɖo azǎn ɔ bǐ jí,
18 ɖó mɔ̌ mɛ ɔ, a ná ɖó sɔgúdo ɖagbe,
bɔ nukúnɖíɖó towe ná cifo ǎ.
19 Vǐ ce, ɖǒtó mì, bo húzú nǔnywɛ́tɔ́,
jlɔ̌ ayi towe ɖó ali e sɔgbe é jí.
20 Ma nɔ nɔ mɛ e yí wǎn nú vɛ̌ɛn gěgé nunu lɛ́ é tɛ́ntin ó,
ma nɔ nɔ mɛ e nɔ sɔ́ lan dó ján hǔn lɛ́ é tɛ́ntin ó.
21 Ðó ahannumúnɔ kpó adɔtɔ́nɔ kpó ná byɔ́ ya mɛ,
kɔmlɔgɔ́ sisa ná zɔ́n bɔ yě ná dó nǔkíja.
22 Ðǒtó tɔ́ towe e ji we é,
ma gɔn ya ké nú nɔ towe ɖó é kpo kpowun wútu ó.
24 Nǔjlɔ́jlɔ́watɔ́ sín tɔ́ ná j’awǎ dandan;
mɛ ɖěbǔ e ji vǐ nǔnywɛ́tɔ́ é ná j’awǎ ɖó wǔ tɔn.
25 Tɔ́ towe kpó nɔ towe kpó ná j’awǎ,
nyɔ̌nu e ji we é ná j’awǎ.
26 Vǐ ce, kɛnklɛ́n ɖótó mì kpó ayi towe bǐ kpó,
ali ce lɛ́ ní nyɔ́ nukún towe mɛ.
27 Ðó do e gɔ́ngɔ́n é wɛ tonyatɔ́ nyí,
bɔ nyɔ̌nu nǔblíblíwatɔ́* nyí dotɔ e sóbwé é.
28 É nɔ tɔ wu nú mɛ ajotɔ́ axánsúnxó ɖɔhun,
é nɔ bló bɔ súnnu gbejímanɔtɔ́ lɛ́ sín kɛ́n nɔ jɛjí.
29 Mɛ̌ ka nɔ se wǔvɛ́? Mɛ̌ ka nɔ ɖo adohu adohu jí?
Mɛ̌ ka nɔ ɖo jlɛ ɖɔ wɛ? Mɛ̌ ka nɔ ɖo vo sa wɛ?
Mɛ̌ è ka nɔ nɔ yǎyá bo nɔ gblé wǔ? Mɛ̌ sín nukún ka nɔ ɖa so ɖo ta wú?*
30 Mɛ e nɔ cí vɛ̌ɛn kɔn bo nɔ gbɛ́ te sí lɛ́ é wɛ;
mɛ e nɔ ɖo vɛ̌ɛn e è cáká é gbé nya wɛ lɛ́ é* wɛ.
31 Ma nɔ kpɔ́n sinmɛ vɔvɔ e vɛ̌ɛn nɔ ɖó,
hwenu e é ɖo fún nyɛ wɛ ɖo kɔ́fu mɛ, bo nɔ ɖíɖí byɔ́ vɛ̌go mɛ é ó.
32 Ðó ɖo vivɔnu ɔ, é nɔ xú aɖǔ mɛ dan ɖɔhun,
bo nɔ tún aɖǐvɛ́ jakpata ɖɔhun.
33 Nukún towe ná nɔ mɔ nǔ we we,
bɔ ayi towe ná nɔ ɖɔ xó gblégblé lɛ́.
34 A ná cí mɛ e ɖo ayǐmlɔ́mlɔ́ ɖo xu tɛ́ntin é ɖɔhun,
bo ná cí mɛ e ɖo ayǐmlɔ́mlɔ́ ɖo asyákpo tɔjíhún tɔn sín ta nu é ɖɔhun.
35 A ná ɖɔ: “È dó nǔ mì, é ka vɛ́ ǎ.*
È xo mì, un ka tuun ǎ.
Hwetɛ́nu un ka ná fɔ́n?
Un lɛ́ ɖo ahan ɖěvo ba wɛ.”*