Nǔnywɛ́xó
27 Ma yí nugo ɖó sɔ e ja é wú ó,
ɖó a tuun nǔ e azǎn ɖokpó ɖokpó ná hɛn nu* é ǎ.
2 Nǔ mɛ ɖěvo* ní kpa susu nú we, ní ma nyí nu hwiɖésúnɔ tɔn ó;
mɛ ɖěvo lɛ́* ní kpa susu nú we, ní ma nyí nufló hwiɖésúnɔ tɔn lɛ́ ó.
3 Awǐnnya nɔ kpɛn, bɔ kɔ́gúdu lɔ nɔ kpɛn,
amɔ̌, akpɔ e xlonɔ nɔ ɖó nú mɛ é nɔ kpɛn hú we lɛ́ bǐ.
4 Majijɛ ɔ, nǔ baɖabaɖa wɛ, xomɛsin nɔ hɛn nǔ gblé tɔgbamɛ ɖɔhun.
Mɛ̌ ka sixú dɛ ɖo wǔhwinhwan nu?
5 È kɛ nu dó nǔ wú nú mɛ nyi wɛn ɔ, é nyɔ́ hú è yí wǎn nú mɛ bo sɔ́ hwlá.
6 Wǔ e xɔ́ntɔn nɔ gblé mɛ lɛ́ é nɔ xlɛ́ gbejíninɔ tɔn,
amɔ̌, si e kɛntɔ́ nɔ kí nú mɛ lɛ́ é nɔ túnflá.*
7 Mɛ* e gɔ́ xo é nɔ ɖe kɔ dó* wǐin e gosín wǐinkpa mɛ é,
amɔ̌, nǔ e tlɛ vɛ́ é nɔ víví ɖo mɛ* e xovɛ́ ɖo sinsin wɛ é sín nu mɛ.
8 Mɛ e jɛ zɔ nú xwé tɔn é
cí xɛ e jɛ zɔ nú adɔ̌ tɔn* é ɖɔhun.
9 Ami kpó zǎlínkpɔ́n kpó nɔ bló bɔ ayi nɔ j’awǎ;
nǔ ɖokpó ɔ wɛ é nɔ nyí, hwenu e xɔ́ntɔn ɖé ɖe wě xá mɛ dó nǔjɔnǔ mɛ* é.
10 Ma jó xɔ́ntɔn towe, alǒ tɔ́ towe sín xɔ́ntɔn dó ó,
ma ka byɔ́ nɔví hwiɖésúnɔ tɔn sín xwégbe gbe e gbe awě xo we é ó.
Nɔzo e sɛkpɔ́ mɛ é kpɔ́n te hú nɔví e ɖo zɔ vwéé é.
11 Vǐ ce, nyɔ̌nǔi, bo hɛn xomɛ ce hun,
bónú má dó sixú ná xósin mɛ e ɖo nǔɖɔ ba mì wɛ é.
12 Mɛ e nɔ nɔ acéjí é nɔ mɔ awǒvinú, bo nɔ hwlá éɖée,
amɔ̌, mɛ e ma mɔ nǔ kpɔ́n ǎ é nɔ kpo ɖo yiyi wɛ, bo nɔ se xɔxɔ tɔn.*
13 Ényí mɛɖé d’akpá ɖɔ émí ná sú axɔ́ e jǒnɔ ɖé ɖu é hǔn, yǐ awu tɔn;
ényí nyɔ̌nu toɖévomɛnu* tamɛ wɛ é d’akpá ɔ dó hǔn, yǐ nǔ e é sɔ́ ɖó gbanu é sín así tɔn.
14 Ényí mɛɖé zé gbe dó jǐ zǎnzǎn tɛɛn, bo byɔ́ nyɔ̌ná nú nɔzo tɔn ɔ,
é ná cí nu wɛ é dó nɔzo ɔ ɖɔhun.
15 Nyɔ̌nu tagbanɔ* cí xɔ e ɖo sin kun wɛ gbɛmɛ ɖo jǐhwenu é ɖɔhun.
16 Mɛ ɖěbǔ e kpé wú bo ɖó è te é hɛn ɔ, é ná wlí jɔhɔn,
bo wlí ami hɛn dó ɖisílɔ tɔn mɛ.
18 Mɛ e kpé nukún dó fígitín wú é ná ɖu sínsɛ́n tɔn,
è ná wlí yɛ̌yi nú mɛ e kpé nukún dó gǎn tɔn wú é.
19 Sin nukúnmɛ nɔ ɖe nukúnmɛ mɛtɔn xlɛ́,
mɔ̌ ɖokpó ɔ, ayi mɛɖé tɔn nɔ ɖe mɛ ɖěvo tɔn xlɛ́.
20 Yɔdo* kpó fí e è nɔ sú kún dó nú nǔ ɖe é kpó* nɔ gɔ́ xo gbeɖé ǎ,
mɔ̌ jɛ́n nǔ ma nɔ gɔn gbɛtɔ́ jló gbeɖé ǎ é nɛ́.
21 È nɔ ɖe nǔ kwíji sín kpatágan wú ɖo zɛ̌n mɛ, bo nɔ xo zo dó siká ɖo myɔkpó mɛ,
mɔ̌ ɖokpó ɔ, susu e è nɔ kpa nú mɛɖé é nɔ ɖe mɛ alɔkpa e mɛ ɔ nyí é xlɛ́.*
22 Ényí a tlɛ só xlonɔ kpó tonusú kpó,
lěe è nɔ só nǔkún ɖo to mɛ gbɔn é ɖɔhun ɔ,
xlojijɔ tɔn ná jó è dó ǎ.
23 A ɖó ná tuun lěe kanlinhwan towe ɖe é ganjí.
Kpé nukún dó lɛ̌ngbɔ́ towe lɛ́ wú ganjí,*
24 ɖó dɔkun nɔ nɔ ayǐ sɔ́yi ǎ,
mɔ̌ jɛ́n axɔ́súgbákún ma nɔ nɔ ayǐ nú jijimɛ lɛ́ bǐ ǎ é nɛ́.
25 Gběhan lɛ́ nɔ mlú ɖa, bɔ gběhan yɔ̌yɔ́ lɛ́ nɔ tɔ́n,
bɔ è nɔ xo gběhan e ɖo só ɖaxó lɛ́ jí é kplé.
26 Agbo wínnyáwínnyá sín fún wɛ nɔ bló awu towe,
gbagbǎ sín akwɛ́ nɔ xɔ gle.
27 A ná ɖó gbɔ̌ sín anɔ̌sin e kpé, bo ná ná nǔɖuɖu hwi
kpó xwédo towe kpó, bo lɛ́ hɛn mɛsɛntɔ́ towe nyɔ̌nu lɛ́ é.